Châque jour d’vant Noué j’bliodgons un cantique dé Noué en Jèrriais.
Every day until Christmas we’re blogging a Jèrriais Christmas carol.

Rêjouiss’-ous tous
Joy to the World

Rêjouiss’-ous tous! Né v’chîn l’Seigneu!
Les anges lé chantent dans l’air:
Glouaithe sait à Dgieu dans l’haut des cieux
Et paix sainte sus la tèrre.

Rêjouiss’-ous tous! I’ règne à haut!
Chantez dans touos les pays!
Qu’les monts et grèves, les prés et ieaux
Èrpètent lus chants dé jouaie!

Qu’lé nièr péché né craîsse pus d’aut’
Ni sèrcl’yes né craîssent ès clios!
I’ nos lav’tha dé toutes nos fautes
Pouor dgéthi touos nos maux.

I’ règne en grâce et véthité
Sus tous, et riches et pouôrres,
En offrant à l’humannité
Les mèrvelles dé S’n amour.