Sûstout, i’faut aver eune langue à vos-même pouor aidgi à dev’lopper la commeunauté – l’avis du Sieur Iain Noble, tchi mouothit lé jour dé Noué. I’tait convaintchu dé l’împortance d’la langue gaélique et ‘tait l’fondateu du College Sabhal Mor Ostaig à l’Île dé Skye. S’lon chu moussieu, la langue n’est pon seulement pour faithe des belles poèsies, mais pouor faithe sèrvi dans l’s offices et l’s affaithes. Il însistit qu’touos ses empliyés pâl’laient lé gaélique et encouothagit d’s activités tchultuthelles, tch’ont ajouoté pus qu’un million louis par an à la commeunauté dé Skye.
According to his obituary in the Times (7 January 2011), Sir Iain Noble, founder of the Gaelic College on the Isle of Skye, believed that having a separate language was “a great asset to the development of any community.” He thought that Gaelic was as important to be heard in the boardroom as at the peat-fire and insisted on having Gaelic-speaking employees. The cultural activities which he encouraged are estimated to bring over £1 million per year to the community on the Isle of Skye.