Lé 8 d’Mar est la Journée Întèrnâtionnale des Femmes.
8 March is International Women’s Day.
J’viyais dans la gâzette du 5 dé janvyi tch’i’ y’avait eune femme tchi voulait êt’ Offici d’Connêtabl’ye dans ieune des pâraisses, et dans la cheinne du 12 dé janvyi, qué j’veins d’èrchéver, y’en a ieune tch’aspithe à êt’ Connêtabl’ye dé sa pâraisse. Et j’en avons ieune sus l’Banc d’Justice dans la Cour Rouoyale. V’là tchi c’menche à m’dithe qué dans l’temps à v’nîn, en Jèrri comme en Améthique, les femmes éthont prîns du pid et l’s hommes es’sont sans travas!
Jé l’s ai tréjous admithées, mé, les femmes, et un tas d’ditons du vièr temps sont preuve qué l’s anciens l’s admithaient étout. N’en v’chin iun: “Madanme la raison est eune belle danme.”
Un aut’ nouos dit qu’ “eune femme dé bouanne maison a la c’minse pus longue qué l’cotillon.” I’ peut probabliément y’aver pus qu’eune intèrprétâtion entouôrre chette là. Ieune est qué v’là tchi veurt dithe qué chutte femme ‘tait bouanne mênagièthe, p’t-êt’ viyant qu’ ou faisait sèrvi lé pus p’tit possibl’ye d’coton pour faithe ses cotillons, sustout comme un tas d’femmes en m’ttaient plusieurs.
Dites mé donc tch’est qu’en est? i’ pathaît qui faut que les femmes aillent vraitchi ach’teu – qui y allaient bain le temps passé, etc., etc. – Et vaithe j’le savons bein et nou z’appelle ch’la “les bouans vièrs temps.” – Il est vrai que les Jerriaises avaient oublié à faithe le travas de d’hors, mais, i’ faut l’dithe, d’pis la guerre i n’ont peux de rain.
Mais ov des femmes raide animées
Dans l’s’affaires dé lus parti,
Pouôres hoummes, tch’est don qu’ou f’rèz,
Si ch’est qu’i veinnent à sé mârri?
Hier au sé, par exemplye, je r’mertchit qu’chutte dame-là en ville tch’y veur dithe que les femmes éthaient ben pûs d’chance d’entré dans l’s’Etats si l’enviyaient l’s’hommes hors-bord, se trompait grandement.
“Ch’nest pas vrai,” ou s’fit. “Oulle a grand’ raison. Et si les femmes n’taient pas si bête, nou verrait bétôt un changement. Pour d’s’années et d’s’années, l’s’hommes ont gouverné, et y n’ont fait qu’des bêtises.”
Les femmes travaillent comme les hommes, et nou les vait à netti les rues et à prendre lus pliaiches parmi machons et tchèrpentchièrs à bâti des maîsons
Les Hommes Emportent La Victouaithe!
…la distchussion du sujet: “Qué les femmes dév’thaient rempliaichi l’s’hommes dans l’s’Etats au pus vite pôssibl’ye!” montrit qué touos les Jèrriais n’sont pas d’la même opinion! Dans un rêsunmé supèrbe tchi vaudrait la peine d’êt’ publiyé dans l’s’almonas, Mlle. Florence M. Hacquoil êprouvit à r’cliâmer qué les femmes sont capabl’yes d’gouvèrner l’monde entchi sans pâler d’Jèrri – et ou fut s’gondée d’eune maniéthe admithabl’ye et ênèrgique par Mme. Marie Trachy.