BBC Jèrri rapporte:

Jersey entered an “absolute drought” after 15 days with no significant rainfall. The company responsible for Jersey’s reservoirs, Jersey Water, said the reservoirs were full but more dry weather could cause problems.

Ch’est la sicrèche! Ou bein la s’crèche, ou sécrèche, coumme nou veurt. Né v’chîn du vocabulaithe et des buts d’textes:

• sicrèche / s’crèche = drought
• sé = dry
• i’ fait sé = it’s dry weather
• l’affaithe est secque = it’s dry weather
• nou sèqu’thait des baleines = it’s dry enough to dry up whales
• sé coumme d’la bûche = dry as a bone, etc
• sé coumme du brotchet = dry as a bone, etc
• sé coumme du pain = dry as a bone, etc
• sé coumme du bouais d’alleunmette = dry as a bone, etc
• sé coumme du rigot = dry as a bone, etc
• sé coumme du brési = dry as a bone, etc
• sé coumme du tondre = dry as a bone, etc
• s’tchi = dry
• stchez = place or stream that dries up (in old-fashioned spelling squez, hence Le Squez)

Tchi Temps!

Tch’i’ fait si caud qu’nou d’puthe dé sueu,
Et pis qu’nou craint un coup d’solé…
Qu’ nou n’peut duther par la chaleu,
Qu’ la s’crèche adgève tout, en êffet –
Tchi temps!

Quand pits et r’sources sont à sé,
Qu’ nou met les bêtes à même lé fain,
Qu’lé p’tit d’vèrduthe tch’i’ piêsse y’aver
Crève à veue dg’yi, qu’ nou n’y peut rein –
Tchi temps!

Quand nou-s-a veu, pouor en bein dithe,
Touos les bénîns jours sans r’lâchi
Quatre ou chînq mais lé solé lithe
Sans un d’gout d’plyie à rafraîchi –
Tchi temps!

Papa et la grand’ sicrèche

“Ch’est en tchi, man fistaud, quand j’tais janne y’avait un Êté quand nou mouothait d’caleu. Nou n’savait pon exactément tchi tempéthatuthe qu’i’ faîthait, pa’ce qué touos les thèrmomètres en Jèrri avaient bosté auve l’extrême caleu. Mais faîthait-i’ eune arsion! I’ n’y’avait pon un d’gout d’plyie – les pouôrres gardîns ‘taient touos rigotés coumme un brotchet. Les clios ‘taient sés coumme du tondre, et les fèrmièrs avaient à dêfoui lus patates dêjà fricachies dans la tèrre. Dans les Pâraîsses, les fontaines ‘taient à sé, et s’nou-s’allait en Ville, nou viyait même qué dans l’bieau jet dg’ieau du Marchi, à la pliaiche des rouoges paîssons, i’ n’y’avait qu’des mouothues secques.”

La s’crèche dé 1938

Eh bein, don, n’en v’là l’but! Mes p’tits êfants, tchi s’crèche qué j’avons ieu, tout d’même. Jammais dé ma connaîssance (et né v’là qu’jé n’sis pon dêjà toute janne), jammais n’y’a ieu d’ité en Jèrri. Ch’est d’tchi qu’est bein seux, et aisi à prouver…

Assa, bouonnes gens, jé sis convaintchue (et ous y s’sez sans doute étou) qu’la s’crèche dé mil neuf chents trente huit dait être la piéthe pour beintôt deux chents ans, sans pâler d’mémouaithe d’homme!

Les Chroniques de Jersey 3/9/1938