Acouo eune chanson d’la fîn du tèrme – et j’n’eûnmes pon même à baithe pouor chanter (mais deux d’gouts éthaient amendé ofûche les vouaix!)
More end-of-term singing from L’Office du Jèrriais – do we sound sufficiently like drunken sailors?

Patholes/words: Chanson par AALG
Musique/music: Alfred Amy (y’a eune difféthente mélodie étout chantée sus ches patholes par Magène – you’ll find Magène sing these words to a different tune)

Tandi qué bouôn mathinnyi bait,
Nou dit qué l’temps s’amende;
Si nou n’ vait pon bein cliai d’vant sé,
Eh, bein! qué nou s-attende.
Tandi qué bouôn mathinnyi bait,
Nou dit qué l’temps s’amende;
Si nou n’ vait pon bein cliai d’vant sé,
Eh, bein! qué nou s-attende.

Tchi trop sé prêsse, i’ peut s’brûler.
Tchi couort trop, pèrd haleine;
I’ n’est pon bésoin dé s’traler,
Car nou n’en a qué peine.
Tandi qué bouôn mathinnyi bait,
Nou dit qué l’temps s’amende;
Si nou n’ vait pon bein cliai d’vant sé,
Eh, bein! qué nou s-attende.

Y en a tchi vont en êratés,
Tchi restent bein driéthe
Auprès un brîn les v’lo matés,
I sont forchis dé siéthe.
Tandi qué bouôn mathinnyi bait,
Nou dit qué l’temps s’amende;
Si nou n’ vait pon bein cliai d’vant sé,
Eh, bein! qué nou s-attende.