- Ch’est la grande êlection, et j’proposons tchiques buts d’l’amas d’littéthatuthe êlectorale en Jèrriais:
- We’ve got some selections from the wealth of election-related Jèrriais literature to accompany Jersey’s elections:
“Y’en étha deux de Portinfé pour seux,” ou dit, “tu peux t’fier sûs chonna. Comme tu l’sais, il est déjà v’nu des mêssieux des deux bords à la porte, mais j’n’ai dit ‘oui’ ou ‘nennin’ à autchun, et sans doute tu’as fait la même chose.”
“Eh bein, Merrienne,” j’li dis, “ch’est chein qu’j’avais idée d’faithe, mais quand j’vins à y pensé, j’décidis d’promettre ès deux. Comme chonna nou n’fait pas d’enn’mins, et lé jour de l’élection nou vote comme nou veur.”
“Chonna,” ou dit, “n’est pas honnête.”
“P’t’être bein,” j’li dis, “mais y’a bein des choses dans l’s êlections tchi n’sont pas honnêtes. J’mé r’souveins même d’une femme tout à fait respectablye tchi r’chut une neuve robe d’un certain candidat, et un neu bonnet de l’autre. Sans doute, étant du sexe féminin, ou considéthait chonna honnête.”