• Ch’est la grande êlection, et j’proposons tchiques buts d’l’amas d’littéthatuthe êlectorale en Jèrriais: 
• We’ve got some selections from the wealth of election-related Jèrriais literature to accompany Jersey’s elections:

Aux Electeurs de l’ile de Jerri (1948)

Je considèthe qu’un Sénateur, une fais êlu, est dans la même position comme un Député, sinon que l’Sénateur r’présente les intéthêts d’l’Ile entièthe, et pas seulement l’s’intéthêts d’une seule pâraisse. Si j’s’y êlu, je s’sai tréjous ben content d’rencontré l’s’êlécteurs quand y voudront, pour distchuté autchune mésuthe importante tchi veindra d’vant l’s’Etats pour décidé la miyeu manièthe de l’appréchi ayant tréjous en veue d’faithe le mûs pour l’Ile.

Je n’vos fais pas d’promêsses inutiles, mais ne v’la la garantie que j’vos donne et ou pouvez vos fié d’sûs.

Si j’s’y êlu, j’sérvithai l’Ile fidèlement, et j’don’nai tout ch’que j’ai d’miyeu. Pour le faithe, j’s’y prêt à faithe fache ès sacrifices qu’une cârriète dév’ouée à la politique demande.