Acouo pus entouor tchi vèrbe faithe sèrvi (viyiz chutte bliogu’thie).

J’distchutînmes l’usage du vèrbe “vidgi”. Pouor les cheins (lé chein?) tchi font sèrvi chu vèrbe, logiquement nou dait l’conjudgi coumme chennechîn (dé même qué l’vèrbe viédgi:

Présent

j’vigue
tu vigue
i’ vigue
ou vigue
j’vidgons
ou vidgiz
i’ viguent

Prétérite

j’vidgis
tu vidgis
i’ vidgit
ou vidgit
j’vidgînmes
ou vidgîtes
i’ vidgîtent

Împarfait

j’vidgais
tu vidgais
i’ vidgait
ou vidgait
j’vidgions / j’vidgêmes
ou vidgiez / ou vidgêtes
i’ vidgaient

Futur

j’vigu’thai
tu vigu’thas
i’ vigu’tha
ou vigu’tha
j’vigu’thons
ou vigu’thez
i’ vigu’thont

Conditionnel

j’vigu’thais
tu vigu’thais
i’ vigu’thait
ou vigu’thait
j’viguéthions / j’vigu’thêmes
ou viguéthiez / ou vigu’thêtes
i’ vigu’thaient

Présent Subjonctif

qué j’vigue
qu’tu vigue
qu’i’ vigue
qu’ou vigue
qué j’vidgions / qué j’vigu’thêmes
qu’ou vidgyiz, vidgiez / qu’ou vigu’thêtes
qu’i’ viguent

Împarfait subjonctif

qué j’vidgîsse
qu’tu vidgîsse
qu’i’ vidgîsse
qu’ou vidgîsse
qué j’vidgîssions
qu’ou vidgîssyiz, vidgîssiez
qu’i’ vidgîssent

Temps composés

Parfait j’ai vidgi, etc.
Pus-qu’parfait j’avais vidgi,etc.
Futur Parfait j’éthai vidgi,etc.
Conditionnel Parfait j’éthais vidgi, etc.

Participes

Présent vidgant
Pâssé vidgi

Împératif

vigue, vidgons, vidgiz (vidgez)