Eune chanson pouor Halloween: Rigodon d’Chorchel’lie chanté par Badlabecques à La Faîs’sie d’Cidre 2012.
Badlabecques performing the Witches’ Rigadoon, a Jèrriais song, at La Faîs’sie d’Cidre 2012 – a suitably spooky but fun tune for Halloween.

Né v’chin l’alibêle
Des gens du grand sang,
Chorchièrs et tchéthauds
Et tout lus pouver!

Dé la Couochette ès Nonnes
Jusqu’ès Trais Rocques et dans l’Pûlé
J’faîsons nouot’ rigodon
Touos les vendrédis!

I’ y’a l’blianc chorchyi,
Et pis la néthe méthe,
Atout san nièr onguent
Dé verjus au dgiâbl’ye –

Sans pâler des cheins
Tchi vouos laîssent bein couôrre
Eune raide achie d’pouèrs,
Véthe, à vouos vengi! –

Dé La Fontaine ès Mittes
Jusqu’à Rocque Bèr et La Hougue Bie,
Touos les vendrédis
J’faîsons nouot’ rigodon!

L’ourteu et l’tchi-cô,
Et l’tchian du Bouôlay,
Atout ses chaînes traînantes
A êpouvanter!

Quant ès p’tits faîtchieaux –
N’en ayiz pon d’peux,
Mêfi’-ous des r’vénants
Et du bélengi!

Dé La Fontaine ès Mittes
Jusqu’à Rocque Bèr et La Hougue Bie,
Touos les vendrédis
J’faîsons nouot’ rigodon!