Des buts d’cantiques dé Noué tchilyis s’lon des thèmes!
A theme a day with Christmas carols galore!
Joseph, Mathie et la p’tite âne
Trouvîtent eune vielle êtabl’ye.
Lé solé l’vant lé matîn,
La vaque, l’âne et lé boeu,
Vai la ville où’est qu’lé saint p’tchiot est bèrchi!
Vai l’êtabl’ye où’est qu’i’ fut né!
Coumme l’âne et l’boeu sont à lus agenouoilli,
il est v’nu pouor nos saûver.
Pétite âne, pétite âne,
Sus lé c’mîn pons’leux,
Continnue à marchi l’avant
Auve tan viage précieux;
Y’a bein longtemps qué tu piétounne
Dans la niet si g’lif,
N’perd pas couothage, car tu s’sas à
Bethléem tout d’suite.
L’angné et l’âne étout, pa-rum pa pum pum,
Taîs’-ous, taîs’-ous, viyiz lé p’tit êfant
Lé boeu né beûle pon et l’âne né brait pon
à g’nouors dans lus stâlles louangeant lus Rouai.
Mé, dit l’ânon ès longues ouothelles,
j’portis sa méthe, Mathie la belle
souos l’caud solé epis l’s êtailes,
mé, dit l’ânon ès longues ouothelles.
Dans la vielle ville du Rouai Dâvi
Viyons endormi dans l’fêtu,
êcliaithi par eune sainte lueu,
né dans l’êtabl’ye, lé p’tit Jésû
tch’est bèrchi siez l’âne et l’boeu.
Nos v’chîn dans la ville d’Dâvi
Mais l’âne et l’boeu sont louogis
dans la carre dé l’êtabl’ye;
y’étha du r’pos et du ji
dans eune stâlle confortabl’ye.
Béthléhem
P’tit Jésû,
P’tit Jésû,
né pouor nous, lé p’tit Jésû!
Bèrchi dans l’êtabl’ye auve l’âne et l’boeu,
un p’tit êfant tch’est lé Bouôn Dgieu.
Dans la chai viyiz l’Saûveux!
P’tit Jésû,
P’tit Jésû,
P’tit Jésû.
L’âne et l’boeu, ieux, i’ piétinnent étout
dans l’êtabl’ye où’est qu’l’êfant est bèrchi;
tandi qu’un tchoeu d’anges dgêpe tout à l’entou
Louangeant l’êfant tchi r’mue ses pids!
Les mages et bèrgers agenouoillis là,
L’âne et les brébis, la biche, lé ch’va,
Adorant l’êfant sus l’fain couochi,
La glouaithe du Bouan Dgieu lîsant l’tou d’li!
Dors saint êfant;
dors trantchil’yement
dans tan bèr siez l’âne et l’boeu.