Des buts d’cantiques dé Noué tchilyis s’lon des thèmes!
A theme a day with Christmas carols galore!
Lé solé l’vant lé matîn,
La vaque, l’âne et lé boeu,
Vai la ville où’est qu’lé saint p’tchiot est bèrchi!
Vai l’êtabl’ye où’est qu’i’ fut né!
Coumme l’âne et l’boeu sont à lus agenouoilli,
il est v’nu pouor nos saûver.
Taîs’-ous, taîs’-ous, viyiz lé p’tit êfant
Lé boeu né beûle pon et l’âne né brait pon
à g’nouors dans lus stâlles louangeant lus Rouai.
Dans la vielle ville du Rouai Dâvi
Viyons endormi dans l’fêtu,
êcliaithi par eune sainte lueu,
né dans l’êtabl’ye, lé p’tit Jésû
tch’est bèrchi siez l’âne et l’boeu.
Nos v’chîn dans la ville d’Dâvi
Mais l’âne et l’boeu sont louogis
dans la carre dé l’êtabl’ye;
y’étha du r’pos et du ji
dans eune stâlle confortabl’ye.
Dors saint êfant;
dors trantchil’yement
dans tan bèr siez l’âne et l’boeu.
L’âne et l’boeu, ieux, i’ piétinnent étout
dans l’êtabl’ye où’est qu’l’êfant est bèrchi;
tandi qu’un tchoeu d’anges dgêpe tout à l’entou
Louangeant l’êfant tchi r’mue ses pids!
Béthléhem
P’tit Jésû,
P’tit Jésû,
né pouor nous, lé p’tit Jésû!
Bèrchi dans l’êtabl’ye auve l’âne et l’boeu,
un p’tit êfant tch’est lé Bouôn Dgieu.
Dans la chai viyiz l’Saûveux!
P’tit Jésû,
P’tit Jésû,
P’tit Jésû.