Né v’chîn l’texte d’aniet d’not’ auteu du mais, Amelia Perchard:

Here’s today’s text by our author of the month, Amelia Perchard:

J’ai un gardîn à mé toute seule
Qué Pépèe mé donnit
Dans un p’tit coin driéthe la grange
En d’ssous du vièr paithyi.

Jé ramâssis touos les longs vèrs
Quand pépèe ‘tait à l’foui,
Et j’les portis à nos vielles poules
Dans lé p’tit poulaîlli.

Mémèe m’donnit dé belles grand’ pliantes
Pour mettre dans man becqu’ton;
Des pensées et d’la belle violette,
Et d’autres qui sentent à bouan!

Mes pliantes pathaîssent lus y pliaithe bein;
Jé frouque lé tou tchiquefais,
Et quand i’s’sont toutes êpannies…
Faudra qu’ou v’nez les vaie!