Né v’chîn l’texte d’aniet d’not’ auteu du mais, Ph’lippe Langliais:

Here’s today’s text by our author of the month, Philippe Langlois:

Ervas-y
Guernesy,
Ervas-y;
La mémouaire,
Chut’ chorchière,
Tranqùilment,
Douochement,
Sans langage,
M’encouorage:
Tes couosins,
Lus vaisins,
Hommes, femmes,
Viers et jeanes,
Souoscriront,
Te r’chevront,
Ma fé, vere,
Comme un frère;
Dis, tu-iras,
Pourqui pas?

Guernesy,
Ervas-y;
Là la ville
Est tranquille;
Là l’travas
Ne tue pas;
Là la vie
Est aisie;
Là les sous
N’sont pas tout;
De la science
L’excellence,
Les biaux faits,
Nou r’connait;
Là les fêtes
Trejous prêtes
Font les gens
Tous contents.

Guernesy,
Ervas-y;
Me consille
Une fille
A biaux yiers
Bllus ou niers;
Vie heureuse
Sus l’Hyvreuse
De s’promner
Jusqu’au ser:
Quand j’y pense,
L’espérance
Me fllattant,
M’cajolant,
Sans langage
M’encouorage;
Dis tu-iras,
Pourqui pas?