Né v’chîn l’texte d’aniet d’not’ auteu du mais, Livonia:

Here’s today’s text by our author of the month, Livonia:

Ne vlà Noué avec toutes ses fêtes ouquo eune fais arrivait
Avec toutes les fêtes que j’avons yieu durant l’était
Car y’an a yieu gentiment de fêtes t’channais
Ou’quo pus que n’savait yieu l’annais passais.
Car yia yieu la magnifique Bataille de Fieur
Que pour neuf ans n’ou n’avait pas veu la couleur
Et pis yieu eun P’tit Bazare de toutes les Chapelle
Qui donni encouore eune chance dexebité les Hardelles.

Et pis yieu eun fiotchet du canton qualidre en Guernési
Pour avé comme y dissais eun mio pus de paizi:
La p’tite Jane de la grande maison ne vouli pas yialé,
Car oul avait peux que les gens pouorais en pâlé,
Car ou têt justement toute fraîchement engagie
Et ou’l aimait mus resté siès yi a prépathé eun “nice tea,”
San gallant yiaporti eune p’tit présent pour té ma Janie
Et toutes les fais que tu le verras tu penseras en mé
Car quand je l’acatti je pensais raide en té.

Mais la pus belle de toute les fêtes t’chet l’show du Paviyion
Ches là qui yiavait du riche, du bé et pis du bon,
Ch’nest pas estonnant que tout le monde aime chute fête là
Yia d’la vie, yia d’la’motion, yia music et exétèra.

Notre petite Marguerite vouli exébité san p’tit Bidet
Et chu pouore petit qu’est tréjous si effritait
Pour la moindre choses qui vait y veur tréjous ertouoné,
Mais nia pas comme dit Margo – y faout tréjous éprouvé
Pour doeux jour devant le “Show” ou li donni du shucre en pain,
Du chocolat, de la gâche. Ah! dame ou’l soignit bein,
Ou lis mins des papiyiote pour qui fusse tout friset.

Rein ne fut epaiegnit pour qui fuse eun parfait,
Sa tête tet curlais comme la sienne d’un mouton,
Là ou lis dis men p’tit chier; j’espethe que tu s’ras bon,
Ou l’y mis des cocardes depis la tête jusqu’au pétra,
Des bracelets est gambes en veux tu n’en v’là.

Quand y’l arrivit sus le terrain pour être jugi
Y s’comporti diversement bein chu chier petit,
Quand les Juges le vidre y didre chest là du bé
Y faout l’y donné le deuxième prix s’en hésité,
Il ethait yieu le premié prix s’il avait tet pus grand,
Mais chu pouore petit y faout qui mange des crôtes devans.

Quand y fudre a paradé y fut bein admithait,
Les Juges tapais dans lus mains toutes les fais qui passait
Et pis la Marguerite a tchi qui n’mantchet pas d’orgit
De pensé q’oul avait yieu eun prix pour s’en Billy.

Je m’en vais vos dithe eune p’tit secret
Que Billy s’ra exébitait dans le mais de Mai,
Mettais le bas pour noublié pas,
Car: allais y n’y mantchies pas.