Les p’tites bêtes

Mé, j’sis eune lînmache, grôsse et longue;
v’lînmeuse, jé drisse dans l’aithe.
Et j’sis la pus belle des lînmaches:
eune prîncêsse! Pouv’-ous l’craithe?

Mé, j’sis un landrinneux dé bête.
J’ai ma caûminne sus l’dos.
Un colînmachon n’a pon d’prêsse
d’èrmuer là-bas d’ilo.

Un pêtre a huit gambes pouor ouvrer
châque jour eune ithangnie.
Quand eune moûque y’est enhèrmélée,
ou s’sa bein vite mangie.