Né v’chîn l’texte d’aniet d’not’ auteu du mais, Jean Picot (J.P.):

Here’s today’s text by our author of the month, Jean Picot (J.P.):

Moussieu,

Oprès vot’ discours dé Mèscrédi,
Qué j’èscoutîmes avec plaisi,
Les gens ach’teu pouôrront y vais
Qu’i y’ià du bon dans not’ Jerriais!

Il ‘est vrai qué j’pâslons un mio cru,
Qué j’avons des d’vis tchi tappent bein du;
Mais pour jurer! ah, jé n’lé faîsons pon,
Un’ Angliais jure, ou un Bréton…

Pour nous, quand ‘jé sommes contrariès,
Ou qu’tchiq’chose n’va pon à notre idèe,
Jé n’jurons pas, mais dites pûstôt
Qué je n’laissons coûorre qué des gros mots!