Né v’chîn d’tchi rare: lé vèrbe êglièrvi. Nou nos a d’mandé coumme tchi conjudgi chu vèrbe tch’est dgéthe connu, même dans la vielle littéthatuthe. J’sommes d’avis qu’chu vèrbe sembl’ye siéthe lé même patron qu’lé vèrbe endueurchi, et don né v’chîn l’vèrbe conjudgi:

The verb êglièrvi is extremely rare and obscure, but since we were asked how it should be conjugated, this is what we think. Logically it seems to fall into the same pattern of conjugation as the verb endueurchi, so it should go like this:

êglièrvi

Présent

j’êglièrvis
tu’êglièrvis
il êglièrvit
oulle êglièrvit
j’êglièrvissons
ous êglièrvissiz
il’ êglièrvissent

Prétérite

j’êglièrvis
tu’êglièrvis
il êglièrvit
oulle êglièrvit
j’êglièrvînmes / j’êglièrvissînmes
ous êglièrvîtes / ous êglièrvîdres
il’ êglièrvîtent / il’ êglièrvîdrent

Împarfait

j’êglièrvissais
tu’êglièrvissais
il êglièrvissait
oulle êglièrvissait
j’êglièrvissions / j’êglièrvissêmes
ous êglièrvissiez / ous êglièrvissêtes
il’ êglièrvissaient

Futur

j’êglièrvithai
tu’êglièrvithas
il êglièrvitha
oulle êglièrvitha
j’êglièrvithons
ous êglièrvithez
il’ êglièrvithont

Conditionnel

j’êglièrvithais
tu’êglièrvithais
il êglièrvithait
oulle êglièrvithait
j’êglièrvithions / j’êglièrvithêmes
ous êglièrvithiez / ous êglièrvithêtes
il’ êglièrvithaient

Présent Subjonctif

qu’j’êglièrvisse
qué tu’êglièrvisse
qu’il êglièrvisse
qu’oulle êglièrvisse
qu’j’êglièrvissions / qu’j’êglièrvithêmes / qu’j’êglièrvithions
qu’ous êglièrvissiez / qu’ous êglièrvissyiz / qu’ous êglièrvithêtes / qu’ous êglièrvithiez
qu’il’ êglièrvissent

Împarfait subjonctif

qu’j’êglièrvîsse
qué tu’êglièrvîsse
qu’il êglièrvîsse
qu’oulle êglièrvîsse
qu’j’êglièrvîssions / qu’j’êglièrvissînmes
qu’ous êglièrvîssyiz / qu’ous êglièrvîssiez
qu’il’ êglièrvîssent

Temps composés

Présent continnu

j’sis à êglièrvi, etc.

Pâssé continnu

j’tais à êglièrvi, etc.

Futur continnu

jé s’sai à êglièrvi, etc.

Parfait

j’ai êglièrvi, etc.

Pus-qu’parfait

j’avais êglièrvi, etc.

Futur Parfait

j’éthai êglièrvi, etc.

Conditionnel Parfait

j’éthais êglièrvi, etc.

Parfait continnu

j’ai ‘té à êglièrvi, etc.

Pus-qu’parfait continnu

j’avais ‘té à êglièrvi, etc.

Futur Parfait continnu

j’éthai ‘té à êglièrvi, etc.

Conditionnel Parfait continnu

j’éthais ‘té à êglièrvi, etc.

Participes

Présent

êglièrvissant

Pâssé

êglièrvi

Împératif

êglièrvis, êglièrvissons, êglièrvissez / êglièrvissiz