Né v’chîn l’histouaithe tuitée (d’la tuittéthatuthe) par Geraint Jennings hièr pouor la Journée Întèrnâtionnale des P’tites Langues ès Médias Sociaux auve eune vèrsion Angliaîche et d’l’audgo:

Here’s the tweeted story (twiterature) by Geraint Jennings from yesterday’s International Social Media Day for Small Languages with an English translation and audio:

D’la tuittéthatuthe pouor la Journée Întèrnâtionnale des P’tites Langues ès Médias Sociaux

(autcheune èrsembliance à autchun Chef Minnistre, vivant ou mort, est du sîmpl’ye hâsard)

Y’avait eune fais un chèr tch’eut l’avis au chèrvé d’chèrchi l’Chef Minnistre
Chu chèr chèrchit chîn’ et là
Ch’est qu’lé Chef Minnistre né voulait nément êt’ achîtré d’chu chèr
Il avait dêjà un fliotchet d’monde à lî côner du matîn au sé
Il enhannait d’toute chutte côn’nie d’Sénateurs, dé Députés, et d’Connêtabl’yes
Sans pâler d’la racachie d’journalistes tchi l’talbâtaient niet’ et jeu
I’ n’tait pon d’hait d’êt’ côné d’même d’un chèr
Nan-dgia, i’ n’chèrchait pon chenna
Lé chèr sé sîlyit dans la Chambre des Êtats et y chèrfouoillit
Tchi fouôle! Tout ‘tait chein d’ssus d’ssous!
Mais l’Chef Minnistre avait happé la pathe
Lé Chef Minnistre s’en fut s’muchi dans la Tchève Rue à Sainte Mathie
Lé chèr n’l’èrchèrchéthait pon dans ch’t’ endrait-chîn
Nou n’éthait pon à chèrchi chicangne au pays d’cocangne
Lé chèr tout coumme ‘tait achéthîn et s’en fut à la grève
Y’avait eune chèrvette à y’enchîtrer un châté d’sablion
Lé chèr li’enchèrgit d’adréchi ches patholes au Chef Minnistre
“Ch’est-i’ qu’les chèrs et les chèrvettes èrchévthont acouo des sou?”
“Ch’est en tchi la vie est trop chiéthe achteu!”
La chèrvette et l’chèr lus en fûtent chèrchi l’Chef Minnistre
I’ dêmuchîtent lé Chef Minnistre à Saint Mathie
“Nos v’chîn au ché d’vot’ us,” qu’i’ lî m’nichîtent
“Et j’nos couoch’chons ichîn entréchîn qu’ou châr’rêtes not’ avis!”
Lé Chef Minnistre fut chotchi d’êt’ achîtré d’même d’un chèr et d’eune chèrvette
Au temps pâssé nou-s’éthait mîns d’ités affrontés au ché
Mais i’ dit qu’i’ y’éthait sans doute des ch’lîns dans l’vièr pid d’cauche des Êtats
Et l’chèr et la chèrvette èrchûtent châtchun chîn ch’lîns
Mais! Les ch’lîns n’valent d’aut’ chi!
Lé Chef Minnistre avait tricachonné les comptes
Moralité: Si ch’est qu’lé Chef Minnistre est en chèrge, les chèrs et les chèrvettes éthont grand êché

L’Histouaithe du Chèr, d’la Chèrvette, et du Chef Minnistre – Tale of the Deer, the Shrimp and the Chief Minister #EDL2017 #Jèrriais

— Geraint Jennings (@GeraintJennings) September 26, 2017

#twiterature for International Social Media Day for Small Languages

(any resemblance to any Chief Minister, living or dead, is purely coincidental)

Once upon a time there was a deer who got it into his head to look for the Chief Minister
This deer looked here and there
The thing is, the Chief Minister absolutely didn’t want to be buttonholed by this deer
He already had loads of people phoning hime from morning till evening
He was really fed up of all this phoning from Senators, Deputies and Connétables
Not to mention the pack of journalists who pestered him night and day
He wasn’t keen on being phoned/butted with antlers by a deer
No, he wasn’t looking for that
The deer infiltrated the States Chamber and searched through it
What a rummage! Everything was topsy-turvy!
But the Chief Minister had scarpered
The Chief Minister went off to hide in La Chêve Rue in Saint Mary
The deer wouldn’t look again for him in that place
One wouldn’t have to stir up trouble in the back of beyond
The deer however was determined and went off to the beach
There was a shrimp building up there a sandcastle
The deer charged her with addressing these words to the Chief Minister:
“Will deer and shrimp receive more money?”
“The thing is that life is too expensive now!”
The shrimp and the deer went off to look for the Chief Minister
They discovered the Chief Minister in Saint Mary
“Here we are on your doorstep,” they threatened him
“And we’ll bed down here until you share our opinion!”
The Chief Minister was shocked at being buttonholed in this way by a deer and a shrimp
Time past such impertinent people would have been put in the stocks
But he said that there’d definitely be some shillings in the States’ savings
And the deer and the shrimp each received five shillings
What! Shillings are no longer worth much!
The Chief Minister had cooked the books
Moral: If it’s the Chief Minister who’s in charge, deer and shrimp will have a big failure