Un but d’la Bibl’ye – Scripture snippet

August 8th, 2011

Jèrriais Logo
Back

Un but d’la Bibl’ye – Scripture snippet

Office du JerriaisBible

Brooklyn Museum - Nathaniel Under the Fig Tree (Nathanaël sous le figuier) - James Tissot - overallDes buts en Jèrriais d’la Bibl’ye pouor l’annivèrsaithe d’la vèrsion Angliaîche d’la Bibl’ye dite du Rouai Jacques, ou Autorisée:
Jèrriais Scripture snippets to mark the anniversary of the English translation of the Bible known as the King James or Authorised Version:

Lé lend’main Jésû eut un affit pouor aller en Galilée. Il achîtrit Ph’lippe et lî dit, “Vé-t-en m’siéthe.” Ch’est en tchi Ph’lippe ‘tait d’Béthsaïda, la ville à André et Pièrre. Ph’lippe achîtrit Nathanaël et lî dit, “J’l’avons dêmuchi! Lé chein entouor tchi qu’il’ êcrivîtent, Moïse, dans la louai, et les prophètes: ch’est Jésû d’Nazareth, fis Joseph.” “Nazareth!” dit Nathanaël. “Ch’est-i’ pôssibl’ye qué d’tchi bouôn veinge dé Nazareth!” Ph’lippe lî dit, “Vé-t-en l’vaie!” Jésû vit Nathanaël tchi s’en appréchait et lî dit, “N’en v’là-t-i’ pon un bouôn Israélite sans sifèches!” Nathanaël lî dit, “Dé ioù qu’tu m’connais?” Jésû rêponnit, “D’vant qu’Ph’lippe t’achîtrîsse, j’t’avais veu souos l’fidgi.”
Nathanaël lî rêponnit, “Maît’, tu’es l’Fis dé Dgieu, tu’es l’Rouai d’Israël!” Jésû lî rêponnit, “As-tu la fouai d’pis qué j’té dis qué j’t’avais veu souos l’fidgi? Tu’en vèrras d’tchi pus grand qu’chennechîn.” Et i’ lî dit, “Véthe, j’vos dis qu’ou vèrrez l’ciel tchi s’ouvre et l’s anges du Bouôn Dgieu à monter et d’valer sus l’Fis d’l’houmme.” (Jean, 1:43-51)

The day following Jesus would go forth into Galilee, and findeth Philip, and saith unto him, Follow me. Now Philip was of Bethsaida, the city of Andrew and Peter. Philip findeth Nathanael, and saith unto him, We have found him, of whom Moses in the law, and the prophets, did write, Jesus of Nazareth, the son of Joseph. And Nathanael said unto him, Can there any good thing come out of Nazareth? Philip saith unto him, Come and see. Jesus saw Nathanael coming to him, and saith of him, Behold an Israelite indeed, in whom is no guile! Nathanael saith unto him, Whence knowest thou me? Jesus answered and said unto him, Before that Philip called thee, when thou wast under the fig tree, I saw thee. Nathanael answered and saith unto him, Rabbi, thou art the Son of God; thou art the King of Israel. Jesus answered and said unto him, Because I said unto thee, I saw thee under the fig tree, believest thou? thou shalt see greater things than these. And he saith unto him, Verily, verily, I say unto you, Hereafter ye shall see heaven open, and the angels of God ascending and descending upon the Son of man.