Philippe Asplet – Flip, L’Anmîn Flippe – mouothit l’28 d’Septembre 1893. Auteu Jèrriais et anmîn en Jèrri d’Victor Hugo et les Proscrits, il êcrivait des vèrsets satiriques.
Philippe Asplet died on this day, the 28th September, in 1893. This Jèrriais satirist was a supporter and friend of Victor Hugo and the Proscrits in exile in Jersey.
Que penses-tu, l’anmin, du vier Jèrri?
Si dans Jèrri jamais tu te promène,
Tu ten vas vais des gens le nais en l’air,
Ne connaissant le malheur ni la peine,
Cherchant partout une livre de chair:
Le dernier sou, nou le vait, qui réclame,
Petit Shylock devenu gros banqui;
Crait-ti par là de sauvé sa pouore âme?
Que pense-tu, l’anmin, du vier Jèrri?
Criyous nos gagni par meniche
Sait ou d’amende ou de prison?
Sachie-le, le peuple s’en fiche,
Et de vous il eza raison.
Au mitan du’une paix profonde
Dont le ciel couvre tout le monde
Venin nos volé notre temps,
Mais chès à n’y pouvait pas crèze;
N’avous pas autre chose à faize;
Y’avous pensait, représentants?
J’nos allons avé les jambons,
Respé d’vous, de deux p’tits couochons
Qu’étaient justement bouans à prendre.
Je sis seux que ché sça d’qué tendre,
Et pis un tas de beu rôti;
Y yen aiza et tout d’bouilli,
Et pis du cidre et du pain frais,
Des pommes de terre et des pannais;
Et si quiqu’un est haîniqueux,
Yéza du podin sus l’drécheux,
Y yen aiza pour tout le monde.
Ou pouais v’nin d’un mille à la ronde,
Et mangi tous à tigue de cor
Comme sous étiez à la “Pomme d’Or.”
Enfin, pour en bâfré vot’ lot,
Votais pour le Chant’gni Cabot,
Et nommais le vot’ député.
A la fin y faut en fini;
Je veux vais Simonet puni:
Faut ly feze comme à Hugo,
Le prendre par la pé du co,
Et pie, sans jugement, ni terme,
Le chassé à l’Ile de Herme,
Et li dize d’allé ailleurs,
Si veut se moqui des snofeurs,
Car je cré qu’il en a trop fait
A san sno Mousieu Simonet.