Ch’est la Pentecôte aniet: né v’chîn un texte des Actes (2: 1-8):

Today is Pentecost. Here’s a relevant text from the Acts of the Apostles:

Quand vînt l’jour d’la Fête d’la Chînquantaine, i’ ‘taient touos ieux rassembliés dans l’même endrait. Et d’un co v’là tchi d’valit des cieux un camas coumme lé brit d’eune grande ventâl’lie, et chenna remplyit toute la maîson où’est qu’i’ ‘taient assis. Des lândgets froutchis, des manniéthes dé fliambes, géthîdrent parmi ieux et iun d’ches lândgets s’èrpôsit sus châtchun dg’ieux. Touos ieux i’ fûdrent remplyis du Saint Esprit et lus êcanchîdrent à d’viser en d’aut’s langues, ch’est en tchi l’Esprit lus en avait bailli l’ajet.

Assa y’avait des Juis pieurs dé toutes les nâtions souos les cieux tchi d’meuthaient à Jéthusalem. Y’avait tant d’train qu’du monde lus y affliotchîdrent, touos morfondus viyant qu’châtchun d’entré ieux les ouïyait pâler dans san d’vis à li. Êbézouis et êmèrvilyis, i’ d’mandîdrent: “Ches’-chîn tchi pâlent, né sont-i’ pon touos des Galiléens? Et coumme tchi don qué j’ouïyons, châtchun d’entré nous, not’ d’vis à nous?”