Pouv’-ous chanter chu cantique dé Noué mus? Nou n’pouôrrait dgéthe lé chanter piéthe!

Can you sing this Christmas carol better? One could hardly sing it worse!

Rêvil’-ous touos! J’tapons à vot’ us!
Séyiz heutheurs! Jésû est né!
Né dormiz d’aut’! Atchilyiz Jésû!
Dêhal’-ous et sautez du liet!

Les cheins tchi marchaient dans la nièrcheu,
qu’lé prophète dit, ont veu eune grande lueu.
Et v’là tchi lit! Ch’est Jésû – not’ Saûveux,
not’ crâsset et not’ sinne dé jeu!

Rêvil’-ous touos! M’ttez vot’ bouôn Dînmanche!
Séyiz heutheurs! Jésû est né!
Les nâtions sont bénies dans la s’menche
d’Àbréhan, coumme ch’fut procliâmé!

Les cheins tchi marchaient dans la nièrcheu,
qu’lé prophète dit, ont veu eune grande lueu.
Et v’là tchi lit! Ch’est Jésû – not’ Saûveux,
not’ crâsset et not’ sinne dé jeu!

Rêvil’-ous touos! D’valez dans la rue!
Séyiz heutheurs! Jésû est né!
N’ayiz pon d’peux! Lé ma est vaintchu
et touos nos péchés, racatés.

Les cheins tchi marchaient dans la nièrcheu,
qu’lé prophète dit, ont veu eune grande lueu.
Et v’là tchi lit! Ch’est Jésû – not’ Saûveux,
not’ crâsset et not’ sinne dé jeu!