Brûle lé bouonhoumme! – Burn the guy! https://t.co/kVOyM2uXLy #Jèrriais #BonfireNight pic.twitter.com/SYfMYwFP3L

— Geraint Jennings (@GeraintJennings) November 5, 2017

Des fliambes tchi fliottent, eune mé d’nièrcheu
ès êtînchelles, scoles dé maqu’sé.
Mets l’êmânue sus l’copé d’feu:
brûle lé bouonhoumme! Flianque Gaï Faxe, hé!

Clioue l’condamné, bliouque lé couotron;
cache-lé d’la Rocque à l’Êtac’sé;
stique-li dû atout tan hèrpon:
brûle lé bouonhoumme! Fique Gaï Faxe, hé!

Dêgraîsse-lé, fai l’fain dêgôler,
dêbouôrrîngue-lé pouor qu’i’ paque ses
tailes ès êtailes, scoles à chôler…
brûle lé bouonhoumme! Fliambe Gaï Faxe, hé!