ar = rainbow #jerriais pic.twitter.com/Kf62mXcwZf

— L’Office du Jèrriais (@le_jerriais) September 9, 2017

Ar du matîn, met-té en c’mîn
et attînfe-té d’toutes les couleurs,
saûticote en coton, satîn,
et v’lous, pîndgi d’ribans et d’flieurs.

À matîn, abrie-té en ar,
bein bigathé en clius et clyîns,
belli atout flianflius et fard:
li librément – n’sai d’aut’ atînt.

Auve pus d’êcliat qu’les C’mîns d’Saint Jacques,
êtouinné d’êtailes et d’êclyîns
d’blianc, rouoge et or sus ta câsaque:
met-té en c’mîn, ar du matîn.