Siez nous
Lé Jèrriais, tch’est qu’ch’est?
Ch’est eune langue dans tchi qu’les gens d’Jèrri ont êchangi d’la poésie, d’s histouaithes, des scandales, des crianches et ont fait d’la commèrce. Ch’est eune language des bèrcheuses, d’la bouffonn’nie et d’la bougréthie, et y’a tant d’l’histouaithe dé Jèrri tchi n’est r’cordé qu’en Jèrriais. Ch’est eune langue vivante et j’attendons fête dé la pâsser ès généthâtions tchi veinnent.
comment qu’tu’es?
How are you?
C’meunauté
Les pâleurs dé Jèrriais sont hardi atchilyants et y’a tout pliein d’occâsions d’ouï et d’pâler la langue duthant l’année, comme La Fête du Jèrriais et La Faîs’sie d’Cidre. S’ou voulez caqu’ter, i faut v’nîn ès groupes au Village Tea Room, St Martîn (lé Mêcrédi), The Yard (lé Jeudi) et Jersey Pearl (lé Vendrédi).
Histouaithe
Lé Jèrriais veint d’la langue Nouormande et il a pus d’mille ans. Ch’est eune vraie langue et eune langue vivante dé pus! J’avons tout pliein d’littéthatuthe d’pis la fîn du 18ième siècl’ye, ouaithe qué not’ langue fûsse adoptée dreinement comme langue officielle des Êtats d’Jèrri.
Apprendréthie
Les clâsses prannent pliaiche dans l’s êcoles pouor les p’tits êfants jusqu’à l’êcole s’gondaithe et y’a des leçons pouor les adultes étout, des c’menchants jusqu’ès avanchis. Sus les pages d’apprendréthie, y’a un tas dé r’sources et y’en étha pus bétôt.